Al pues jessi il plurâl di mula, la famose bestie di cjame (feminin dal talian "mulo"): in principi al pues vê fat riferiment, duncje, a une persone che e jere parone di cualchidun di chescj animâi, che e faseve traspuarts e v.i. Cun mule, par venezian, si clamin ancje un gjenar di çavatis, o, cemût che al dîs il Boerio, “sorte di scarpis lizeris cence rincjinis e pal plui cence talon, che par solit si doprin in cjase. Si lis clame Mule, parcè che a son tant scarpis che çavatis". Cognon venit, massime trevisan. Presint a Udin.